ആ മുയലിന് എത്ര കൊമ്പ്?

 
 
 
 
പി.ടി.ഐ ചീഫ് റിപ്പോര്‍ട്ടര്‍ ഷെമിന്‍ ജോയ് എഴുതുന്നു

 
 

കേജ് രിവാള്‍ മധ്യവര്‍ഗത്തിന് ഒരു സൌകര്യം കൂടിയാണ്. ഞാന്‍ പിടിക്കുന്ന മുയലിന് മൂന്നും നാലും കൊമ്പെന്ന കേജ് രിവാള്‍ നിലപാടിനെ മധ്യവര്‍ഗം മറന്നു. ഒരുപക്ഷേ ഞാന്‍ മാത്രം ശരി, മറ്റെല്ലാം നാശം എന്ന മധ്യവര്‍ഗക്കാരുടെ പ്രത്യയശാസ്ത്രത്തോട് കേജ് രിവാള്‍ അടുത്തു നില്‍ക്കുന്നു എന്ന സൌകര്യവുമായിരിക്കാം.

മധ്യവര്‍ഗം എത്രനാള്‍ കൂടെയുണ്ടാകും എന്നതു തന്നെയായിരിക്കും കെജ്രിവാള്‍ നേരിടാന്‍ പോകുന്ന വലിയ വെല്ലുവിളി. എത്രനാള്‍ ഇവരെ കൂടെ നിര്‍ത്താനുകും? ഇടവിട്ടിടവിട്ടുള്ള ഇടിവെട്ട് വെളിപ്പെടുത്തലുകള്‍ എത്ര നാള്‍ ഈ മധ്യവര്‍ഗം സഹിക്കും? ഇന്ന് മാളിക മുകളേറ്റാന്‍ ഈ മധ്യവര്‍ഗമുണ്ട്. അതുപോലെ മാറാപ്പ് കേറ്റാനും ഇക്കൂട്ടര്‍ക്ക് അധികം സമയം വേണ്ട. ഇഷ്ടപ്പെട്ടാലും ഇല്ലെങ്കിലും, കേജ് രിവാളിന്റെ പരാജയം വരുത്തി വയ്ക്കുക മധ്യവര്‍ഗം തന്നെയായിരിക്കും-ഷെമിന്‍ ജോയ് എഴുതുന്നു

 

 

നമുക്കും വേണ്ടേ ഒരു തെഹ്രീര്‍ സ്ക്വയര്‍ എന്ന വിചാരമാണ് തുടക്കത്തില്‍ അരവിന്ദ് കേജ് രിവാളിനെയും അണ്ണാ ഹസാരയേയും മധ്യവര്‍ഗ ആഘോഷമാക്കി മാറ്റാന്‍ ഡല്‍ഹിക്കാരെ പ്രേരിപ്പിച്ചത്. മറുനാടുകളിലും അത് ഏറ്റുപാടാന്‍ ആളുണ്ടായി. തീവ്ര ദേശഭക്തിയും ദേശീയ പതാകയും ഗാന്ധി തൊപ്പിയും വന്ദേ മാതരവും ഇങ്ക്വിലാബ് വിളികളും ചേര്‍ന്ന് അതൊരു ബഹളമായി മാറുകയും ചെയ്തു. നാടിനായി ഇപ്പോഴല്ലെങ്കില്‍ പിന്നെ എപ്പോള്‍ എന്ന ചിന്ത ടി.വി ചര്‍ച്ചകളില്‍ നിറഞ്ഞു നിന്നു. പതിയെ പതിയെ അരവിന്ദ് കേജ് രിവാള്‍ എന്ന ചെറുപ്പക്കാരന്‍ മധ്യവര്‍ഗത്തിന് ഒരാവശ്യവും ഒരു തരം വിദ്യാഭ്യാസവുമായി മാറി എന്നു പറയാം.

പക്ഷേ ഇതില്‍ നിന്നെല്ലാം കേജ് രിവാള്‍ പഠിക്കാത്തതും എന്നാല്‍ മറ്റുള്ളവരെ പഠിപ്പിച്ചതുമായ ചില പാഠങ്ങള്‍ നമ്മുടെ മധ്യവര്‍ഗ സമൂഹം കാണാതെ പോയി. ഒരു മൂവ്മെന്റ് എങ്ങനെ വല്ലാതെ വലത്തേക്കു തിരിയും എന്ന തിരിച്ചറിവ്. അല്ലെങ്കില്‍ മാധ്യമങ്ങളിലൂടെ മാത്രം അറിഞ്ഞ അഴിമതി വിരുദ്ധ പ്രവര്‍ത്തകന്‍ അണ്ണാ ഹസാരെ എന്ന നല്ല പിള്ളയ്ക്ക് പിന്നില്‍ ഒരു വല്ലാത്ത വലതന്‍ ഉണ്ടെന്നും അദ്ദേഹത്തിന്റെ ലോകത്തോടുള്ള ഇടപാടുകളിലെ പോക്കണംകേടുകളോടും പൊരുത്തക്കേടുകളോടും സൌകര്യ പൂര്‍വം മുഖം തിരിക്കാനുള്ള ഒരു ത്വര.

കേജ് രിവാള്‍ മധ്യവര്‍ഗത്തിന് ഒരു സൌകര്യം കൂടിയാണ്. ഞാന്‍ പിടിക്കുന്ന മുയലിന് മൂന്നും നാലും കൊമ്പെന്ന കേജ് രിവാള്‍ നിലപാടിനെ മധ്യവര്‍ഗം മറന്നു. ഒരുപക്ഷേ ഞാന്‍ മാത്രം ശരി, മറ്റെല്ലാം നാശം എന്ന മധ്യവര്‍ഗക്കാരുടെ പ്രത്യയശാസ്ത്രത്തോട് കേജ് രിവാള്‍ അടുത്തു നില്‍ക്കുന്നു എന്ന സൌകര്യവുമായിരിക്കാം.

 
 

പ്രതിക്കൂട്ടില്‍ കേജ് രിവാളല്ല
കേജ് രിവാള്‍ പക്ഷേ, മൊത്തത്തില്‍ ഒരു തെറ്റല്ല. അങ്ങനെ കാണാനും പറ്റില്ല. വര്‍ഷങ്ങളായി ഒറ്റയ്ക്കൊറ്റയ്ക്ക് നമ്മളില്‍ പലരും ചോദിച്ച കാര്യങ്ങളും അമര്‍ഷവുമാണ് അദ്ദേഹവും ഉയര്‍ത്തുന്നത്. നമ്മളിലും ശക്തമായി. അത് ആവശ്യവുമാണ്. ഉദ്ദേശശുദ്ധിയും സംശയിക്കേണ്ടതില്ല. പക്ഷേ ഈ ചോദ്യങ്ങളും അമര്‍ഷവും ഉയര്‍ത്തുന്ന വലിയൊരു ചോദ്യമുണ്ട്.

കേജ് രിവാളല്ല ഇവിടെ പ്രതിക്കൂട്ടില്‍. അദ്ദേഹം ഉയര്‍ത്തിയ അതേ ചോദ്യങ്ങള്‍ അംബാനിയുടെ കെ.ജി ബേസിന്‍ പ്രശ്നം ഉള്‍പ്പെടെ ഇതിനു മുമ്പ് തന്നെ ഉയര്‍ന്നു വന്നിരുന്നു. നമ്മുടെ മധ്യവര്‍ഗത്തിന് തീരെ ഇഷ്ടപ്പെടാത്ത ഇടതുപക്ഷം ഉയര്‍ത്തിയതു കൊണ്ടാകാം അന്ന് അതിനൊരു വില കിട്ടാതിരുന്നത്. ഇതൊക്കെ പറഞ്ഞപ്പോള്‍ ഇടതിനെ കുറ്റം പറഞ്ഞ് നമ്മള്‍ മുഖം തിരിച്ചു. ഇന്നു നേരെ തിരിച്ചും.

 

 

മധ്യവര്‍ഗത്തിന്റെ ചാഞ്ചാട്ടം
മധ്യവര്‍ഗത്തിന്റെ സൌകര്യമാണത്. ഈ മധ്യവര്‍ഗം എത്രനാള്‍ കൂടെയുണ്ടാകും എന്നതു തന്നെയായിരിക്കും കേജ് രിവാള്‍ നേരിടാന്‍ പോകുന്ന വലിയ വെല്ലുവിളി. എത്രനാള്‍ ഇവരെ കൂടെ നിര്‍ത്താനുകും? ഇടവിട്ടിടവിട്ടുള്ള ഇടിവെട്ട്് വെളിപ്പെടുത്തലുകള്‍ എത്ര നാള്‍ ഈ മധ്യവര്‍ഗം സഹിക്കും? ഇന്ന് മാളിക മുകളേറ്റാന്‍ ഈ മധ്യവര്‍ഗമുണ്ട്. അതുപോലെ മാറാപ്പ് കേറ്റാനും ഇക്കൂട്ടര്‍ക്ക് അധികം സമയം വേണ്ട.

ഇഷ്ടപ്പെട്ടാലൂം ഇല്ലെങ്കിലും, കേജ് രിവാളിന്റെ പരാജയം വരുത്തി വയ്ക്കുക മധ്യവര്‍ഗം തന്നെയായിരിക്കും. കാരണം അദ്ദേഹം ഒരു വ്യക്തിയാണ്. ഒരു പ്രസ്ഥാനമല്ല. തന്റെ പാര്‍ട്ടിയുടെ ഒറ്റ നേതാവായി ഉയരുമായിരിക്കും അദ്ദേഹം നാളെ. പക്ഷേ മറ്റ് ഒറ്റ നേതാ പാര്‍ട്ടികളായ മായ, ജയ, മമതമാരില്‍ നിന്ന് കേജ്രിവാള്‍ എങ്ങനെ വ്യത്യസ്തനാകും?

മധ്യവര്‍ഗത്തെ പോലെ കേജ് രിവാള്‍ ആണ് എല്ലാമെന്ന് നാമം ജപിക്കുന്നവരുടെ കൂട്ടത്തില്‍ നിന്ന് തന്റെ പാര്‍ട്ടിയേയും തന്നെ തന്നെയും രക്ഷിക്കാന്‍ അദ്ദേഹം രക്ഷപെടേണ്ടി വരും. കേജ്രിവാള്‍ തന്റെ പാര്‍ട്ടിയെ എങ്ങനെ രക്ഷിക്കും? കാത്തിരുന്നു കാണേണ്ടതു തന്നെയാണത്.
 
 
 
 

 
 
കേജ് രിവാള്‍, ഇനി…?

ജോസി ജോസഫ് എഴുതുന്നു
കേജ് രിവാള്‍മാര്‍ ഉണ്ടാവുന്നത്

ജയന്ത് ജേക്കബ് എഴുതുന്നു
പ്രതിപക്ഷത്തിന്റെ മരണം

എ.എം ജിഗീഷ് എഴുതുന്നു
കേജ് രിവാളിന്റെ രാഷ്ട്രീയ ഭാവി

മനോജ് സി. ജി എഴുതുന്നു
വൈരുധ്യങ്ങളുടെ ഘോഷയാത്ര തുടങ്ങാറായി

വെങ്കിടേഷ് രാമകൃഷ്ണന്‍ എഴുതുന്നു
മുഴുവന്‍ വേവാന്‍ ഇനിയെത്ര കാലം?

ലിസ് മാത്യു എഴുതുന്നു
നായകനും ഇരയും

ജെ ഗോപീകൃഷ്ണന്‍ എഴുതുന്നു
ഉള്ളിലെവിടെയോ ഒരേകാധിപതി (?)

സൌമ്യ ബാലകൃഷ്ണന്‍ എഴുതുന്നു
രോഷാകുലനായ നായകന്‍

ഡോ. സ്റ്റാന്‍ലി ജോണി എഴുതുന്നു
ഫ്യൂഡല്‍ ആള്‍ദൈവങ്ങളില്‍നിന്നുള്ള ദൂരം

ഷെമിന്‍ ജോയ് എഴുതുന്നു
ആ മുയലിന് എത്ര കൊമ്പ്?

ടി.വി ജയന്‍ എഴുതുന്നു
എത്ര നാള്‍ കത്തും ഈ തീപ്പൊരി?

സഞ്ജയ് മോഹന്‍ എഴുതുന്നു
വാര്‍ത്താ മുറികളുടെ ഇഷ്ട വിഭവം

ഡോ. വിനോദ് കെ. ജോസിന്റെ നിരീക്ഷണങ്ങള്‍
ഒഴിഞ്ഞ പോസ്റ്റുകളില്‍ ഒരു കളിക്കാരന്‍

ജസ്റ്റിന്‍ മാത്യു എഴുതുന്നു
അമേരിക്കയില്‍, പണ്ടൊരു ‘കേജ് രിവാള്‍ കാല’ത്ത്

കെ.എന്‍ അശോക് എഴുതുന്നു
രണ്ട് തൊപ്പികളും ഒരു കേജ് രിവാളും

വി.ആര്‍ ജയരാജ് എഴുതുന്നു
ആപ്പിനുമുണ്ടാമൊരിടം

കാര്‍ടൂണിസ്റ്റ് സജിത്ത് കുമാറിന്റെ നിരീക്ഷണങ്ങള്‍.
കാര്‍ട്ടൂണ്‍ കണ്ണാടിയില്‍ കേജ്‍രിവാള്‍

ഉദയ് കിരണ്‍ എഴുതുന്നു
ഇരകളുടെ സ്വപ്നത്തിന്‌ വലതുപക്ഷ ബദലുകളില്ല
 
 
 
 

One thought on “ആ മുയലിന് എത്ര കൊമ്പ്?

  1. i am just surfing for the time Pdt. Nehru took to become a public face comparing with his same equality among Gandhi and Sardar Vallabhai Patel. Who won the hearts of Indians more. Who stod till last and who was in war with Indians so that we see todays India. I know it should be given an another thought that myself comparing with Kejriwal….but the important karma is the Karma itself when we forget the personlities. If he hes to be in limelight then I ll tell a malayalam old say of ” Jeevippichathum Neeye Chaapa , kollichathum Neeye Chaappa………” well this is not the exact thing that I was coming at,,,,,I am more a methodical thinker owing to the thought of this great land and i am lending some thing from it for this case. “Never give importance to those who desire it……even if the crying child……..some day might come that the child will adopt the character of a snake……….” I have never seen a movement which makes the masses the self realization of belonging to something and shedding the same ideology for a better course.

    Finaly it is the insecurity of Indian s that s trending them to go to masses with public gatherings. Please if a reply feel free to post it online as well as to my email. Rgds Rajesh Menon

Leave a Reply

Your email address will not be published. Required fields are marked *