ഈദി അമീനില്‍നിന്ന് ഗദ്ദാഫിയിലേക്കുള്ള ദൂരം

ഈദി അമീനെപ്പോലുള്ളവര്‍ക്ക് പലായനത്തിന്‍റെയും അനന്തരസൗഭാഗ്യ സുഖലോലുപതയുടെയും ഒരു നീതി .സദ്ദാമിനും ഗദ്ദാഫിയ്ക്കും മറ്റൊരു നീതി. കാരണം ഈ രാജ്യങ്ങളിലെ പുതിയ ജനാധിപത്യനീക്കങ്ങളുടെ അഡ്രിനാലിന്‍ സ്രവം ഒരു മറയാണ് കൊലയ്ക്ക് എന്നത് തന്നെ-ഷാജഹാന്‍ എഴുതുന്നു

ചരിത്രം ശാരീരികമായി ബാധിക്കുന്ന ചില കഥാപാത്രങ്ങളെ എന്‍ എസ് മാധവന്‍റെ ചരിത്ര സന്ധികളെ തന്നെ രേഖപ്പെടുത്തുന്ന ചില കഥകളില്‍ കണ്ട് പരിചയിച്ചിട്ടുണ്ട്.പല തട്ടില്‍ ആവര്‍ത്തിക്കുന്ന ഇന്ദിരാഗാന്ധിയുടെ മരണം കണ്ട് ഛര്‍ദ്ദിക്കുന്ന സിസ്റ്റര്‍ അഗത,ബാബരി മസ്ജിദിന്‍റെ താഴികക്കുടം തകര്‍ക്കപ്പെടുന്നത് കണ്ട് പനിച്ചുവിറക്കുന്ന കെ കെ ചുല്യാറ്റ് എന്നിങ്ങനെ പല ഊഷ്മാവുകളിലേക്ക് പരകായപ്രവേശം നടത്തുന്ന ചില കഥാപാത്രങ്ങള്‍…
മുഅമ്മര്‍ ഗദ്ദാഫിയുടെ അവസാന നിമിഷങ്ങള്‍ ഇത്തരത്തില്‍ പല തട്ടില്‍ ആവര്‍ത്തിക്കുന്നത് കണ്ടപ്പോഴാണ് ചരിത്രം ശാരീരികമായി ബാധിക്കുന്നതിന്‍റെ രസതന്ത്രം എന്നെ പിടികൂടിയത്.ഫോക്സ് ന്യൂസ് മുതല്‍ പ്രാദേശിക കേബിള്‍ വരെ പല ഫ്രെയിമുകളില്‍ നിറഞ്ഞാടിയ പല വേഗത്തില്‍ പിന്നെ അള്‍ട്രാ സ്ലോ മോഷനില്‍ പരുവപ്പെടുത്തിയ അവസാനത്തെ ഗദ്ദാഫി മുഖം…പല കാലങ്ങളെ ഭ്രമിപ്പിച്ച സ്വര്‍ണ്ണത്തോക്കിലേക്ക് കളിപ്പാട്ടത്തെയെന്ന പോലെ നോക്കി വെടിയൊച്ചയിലേക്ക ഡിസോള്‍വ് ചെയ്ത് പോയ ആ നിലവിളി.പിന്നെ ഇളകിയാടുന്ന ആകാശത്തെ സാക്ഷിയാക്കി പല വെടിയൊച്ചകള്‍. കലാഷ്നിക്കോവിന്‍റെ മുന…

ഗദ്ദാഫിയുടെ മരണത്തിന്‍റെ എഡിറ്റ് ചെയ്യപ്പെടാത്ത മൊബെല്‍ അപ് ലോഡ് തേടി ഇന്‍റര്‍ നെറ്റിലെത്തിയ എന്നെ കാത്തിരുന്നത് ആ കൊലയുടെ രാഷ്ട്രീയ ഗന്ധത്തിന്റെ ചൂരുള്ള ഒരു എസ്എം എസ് വാചകം..
അമേരിക്ക ഇനി ഭരണ സൗകര്യത്തിന് വേണ്ടി ലിബിയയെ മുന്നായി വിഭജിക്കും.
പ്രീമിയം ,സ്പീഡ് ഓര്‍ഡിനറി….
പെട്രോളിയം ഉല്പന്നങ്ങളുടെ സൂചകങ്ങള്‍.!!!!
പല തട്ടിലുള്ള ഈ മരണത്തിന് ശേഷം ഗദ്ദാഫി യുടെ മകന്‍ മുംതസീറിന്റെ ദൃശ്യങ്ങളും കണ്ടു. കഴുത്തിലെ ചോരച്ചുവപ്പിന്‍റെ വെടിയുണ്ട തടവി പ്ലാസ്റ്റിക് ബോട്ടിലിലെ അവസാനത്തെ തുള്ളി വെള്ളവും ഊറ്റിക്കുടിക്കുന്ന മുംതസീര്‍….മരണമുനമ്പിലെ ചില ചടങ്ങുകള്‍..

പാശ്ചാത്യ ലോകത്തിന്‍റെയും അറബ് ലോകത്തിന്‍റെയും രാഷ്ട്രീയ വിചാരങ്ങളെ പ്രതിഫലിപ്പിക്കുന്ന ഒരു ചൊല്ലുണ്ട് രാഷ്ട്രീയ വിശാരദര്‍ക്ക്.

ഒരു കൊലപാതകം ചെയ്താല്‍ തൂക്കുമരം.
പത്തോ ഇരുപതോ പേരെ കൊന്നാല്‍ മാനസികാരോഗ്യ കേന്ദ്രം..
ആയിരങ്ങളെ കൊന്നാല്‍ രാഷ്ട്രീയാഭയം.

ഈ നയം അറബ്- ആഫ്രിക്കന്‍ ഏകാധിപതികളോട് അമേരിക്കയും യൂറോപ്പും യാതൊരു യുക്തിയും നീതിബോധവുമില്ലാതെ പ്രകടിപ്പിച്ചതായി കാണാം.ഈദി അമീനെപ്പോലുള്ളവര്‍ക്ക് പലായനത്തിന്‍റെയും അനന്തരസൗഭാഗ്യ സുഖലോലുപതയുടെയും ഒരു നീതി .സദ്ദാമിനും ഗദ്ദാഫിയ്ക്കും മറ്റൊരു നീതി. കാരണം ഈ രാജ്യങ്ങളിലെ പുതിയ ജനാധിപത്യനീക്കങ്ങളുടെ അഡ്രിനാലിന്‍ സ്രവം ഒരു മറയാണ് കൊലയ്ക്ക് എന്നത് തന്നെ.അഫ്ഗാനിലെ കമ്യൂണിസ്റ്റ് ഭരണാധിപതി നജീബുള്ളയുടെ മൃതദേഹം കാബൂളിലെ തെരുവിലെ ട്രാഫിക് വിളക്കിന്‍റെ കാലില്‍ തൂക്കിയിട്ട് താലിബാന് വെടിവെച്ച് രസിച്ചത് അമേരിക്ക സംഭാവന ചെയ്ത തോക്കു കൊണ്ടായിരുന്നു എന്ന് മറക്കണ്ട..ആള‍്ക്കുട്ടത്തിന്‍റെ ആക്രോശവും അക്രമബോധവും തുണയ്ക്കുണ്ടാകമ്പോള്‍ കാട്ടു നീതി.അല്ലാത്തപ്പോള്‍ പരിഷ്കൃതമായ ഒളിച്ച് വെയ്പ്പു്.അതേ നീതിയും…

ബിന്‍ ലാദനെ കണ്ടെത്തിയ അതേ ചാരക്കണ്ണ് തന്നെയാണ് നാറ്റോയും ഗദ്ദാഫിയുടെ വാഹനവ്യൂഹത്തെ കണ്ടെത്താന്‍ ഉപയോഗിച്ചത്.ഗദ്ദാഫിയുടെ മരണപ്പാച്ചിലിനെ പിന്തുടര്‍ന്ന നാറ്റോ വ്യൂഹം ആള്‍ക്കുട്ടത്തിന്‍റെ സംഹാരബുദ്ധിയാണ് ആ പന്തയക്കോഴി ഫൈനലിന് ഉപയോഗിച്ചത്.ചോര കാണുമ്പോഴുള്ള ഉന്മാദം,മരണമുനമ്പിലെ ആ ചിരി ,ഇതിനൊക്കെ വശംവദരായി നാറ്റോ വ്യൂഹം.40 വര്‍ഷത്തെ ചരിത്രത്തിന് ഏകപക്ഷീയമായ യുക്തിയുടെ അപനിര്‍മ്മിതി.

മണ്ണിനടിയില്‍ ഘനീഭവിച്ച് കിടക്കുന്ന എണ്ണപ്പാട തേടി ഡ്രില്ലിംഗ് യന്ത്രം പായിക്കുന്നതിനിടെ പല തലമുറകളുടെ ശവങ്ങള്‍ അട്ടിയിട്ട മണ്ണിലൂടെ കടന്നി പൊകുന്നതിന്‍റെ സുഖം എണ്ണക്കമ്പനികള്‍ക്ക് മാത്രമല്ല,എണ്ണ വീപ്പകള‍ക്ക് മേല്‍ അടയിരിക്കുന്ന വാള്‍ സ്ട്രീറ്റ് സ്വപ്നങ്ങള്‍ക്കുമുണ്ട്.ഈ നവ സ്വപ്നങ്ങല്‍ ഊതിപ്പെരുപ്പിച്ച് പല രാജ്യങ്ങളിലേക്കും കയറ്റുമതി ചെയ്യപ്പെടുന്നതിനാല്‍ നമ്മുടെ പേഴ്സിലും ഗദ്ദാഫിയുടെ വാട്ടര്‍മാര്‍ക്ക് മുഖമുള്ള രൂപകള്‍ എത്തും. ചരിത്രം അന്നെങ്കിലും നമ്മെ ശാരീരികമായി ബാധിച്ചേക്കാം….

5 thoughts on “ഈദി അമീനില്‍നിന്ന് ഗദ്ദാഫിയിലേക്കുള്ള ദൂരം

  1. സാമ്രാജ്യത്വ താല്പര്യങ്ങള്‍ വീണ്ടും ഒരു സുതാര്യമായി മുഖം മൂടിക്കുളില്‍ ഒളിപ്പിച്ച അമേരിക്കയുടെ വീനസ് കെണിയില്‍ ലിബിയയുടെ നിലവിളിയും മുഴങ്ങുന്നുണ്ടോ ?
    കാതോര്‍ക്കുമ്പോള്‍ നമ്മുടെ മനസ്സും അസ്വസ്ഥമാവുന്നുണ്ടോ? ലോകപോലീസിന്‍റെ ലാത്തിപ്പിടികള്‍ നമുക്ക് നേരെയും നീളുന്നുണ്ടോ ?

    അത്യുന്നതങ്ങളില്‍ ദൈവത്തിന് സ്തുതി; ഭൂമിയില്‍……………………?

  2. എണ്ണയുള്ളിടത്തും,തങ്ങള്‍ക്ക്ഇഷ്ട്ടമില്ലാത്തിടത്തും അമേരിക്കയും പാശ്ചാത്യരും വരും ..
    അവര്‍ അവിടങ്ങളില്‍ റിബലുകളെ കണ്ടെത്തും …

  3. Sixteen Things Libya Will Never See Again…

    There is no electricity bill in Libya; electricity is free for all its citizens.
    There is no interest on loans, banks in Libya are state-owned and loans given to all its citizens at zero percent interest by law.
    Having a home considered a human right in Libya.
    All newlyweds in Libya receive $60,000 dinar (U.S.$50,000) by the government to buy their first apartment so to help start up the family.
    Education and medical treatments are free in Libya. Before Gaddafi only 25 percent of Libyans were literate. Today, the figure is 83 percent.
    Should Libyans want to take up farming career, they would receive farming land, a farming house, equipments, seeds and livestock to kickstart their farms are all for free.
    If Libyans cannot find the education or medical facilities they need, the government funds them to go abroad, for it is not only paid for, but they get a U.S.$2,300/month for accommodation and car allowance.
    If a Libyan buys a car, the government subsidizes 50 percent of the price.
    The price of petrol in Libya is $0.14 per liter.
    Libya has no external debt and its reserves amounting to $150 billion are now frozen globally.
    If a Libyan is unable to get employment after graduation the state would pay the average salary of the profession, as if he or she is employed, until employment is found.
    A portion of every Libyan oil sale is credited directly to the bank accounts of all Libyan citizens.
    A mother who gives birth to a child receive U.S.$5,000.
    40 loaves of bread in Libya costs $0.15.
    25 percent of Libyans have a university degree.
    Gaddafi carried out the world’s largest irrigation project, known as the Great Manmade River project, to make water readily available throughout the desert country.

  4. Yes, what ever you said is 100% true. The visual was very disturbing. Idon’t know what was the life there under Gaddaffi, but if the people of Libya feel that they got freedom, please think again. See what happened in Afghanistan, Iraq… How much did the country change or develop after the despot was overthrown? There are other places in the world where the people really want a change in the governance, but did anyone see that. No, because these countries do not have oil or other rich minerals the US or other developed countries would like to have. These people will have thousands of reasons to throw out a Government. But, once they have an access to the country and its wealth thats it. They don’t care how the people fare there. or how will be the future of the country.. Whatever the US has done so far is no were near what you call as a good act. And i don’t know when the person is fleeing the country, why should he be killed? Let him go, anyway you have the control over the state.Its sooo brutal an act..oh, God!!

Leave a Reply

Your email address will not be published. Required fields are marked *