ലെഫ്റ്റ് റൈറ്റ് ലെഫ്റ്റ്: പിറകോട്ടേക്കുള്ള ‘മുന്നേറ്റങ്ങള്‍’

പുതുതലമുറ മുന്നേറ്റങ്ങളുടെ പിറകോട്ടേക്കുള്ള എത്തിനോട്ടങ്ങള്‍. ലെഫ്റ്റ് റൈറ്റ് ലെഫ്റ്റ് എന്ന സിനിമയുടെ പശ്ചാത്തലത്തില്‍ ഒരു വായന. ഹരിനാരായണന്‍ എഴുതുന്നു

എ.ഡി 1341ലെ ആ വെള്ളപ്പൊക്കം

കഴിഞ്ഞ മാസത്തെ സുപ്രധാന സാംസ്കാരിക ചലനങ്ങള്‍. രേണു രാമനാഥ് എഴുതുന്നു

അന്നപൂര്‍ണാ ദേവി: ഒറ്റമുറിയില്‍ ഒരു സംഗീത നദി

ഹിന്ദുസ്ഥാനി സംഗീതജ്ഞന്‍ ബാബ അല്ലാവുദ്ദീന്‍ ഖാന്റെ ഇളയ മകള്‍. ലോക പ്രശസ്ത സിതാര്‍ വാദകന്‍ അലിഅക്ബര്‍ ഖാന്റെ സഹോദരി, സംഗീത മാന്ത്രികന്‍ പണ്ഡിറ്റ് രവിശങ്കറിന്റെ ഭാര്യ. സ്വയമാവട്ടെ, പരിമിതികള്‍ ഭേദിച്ചു തെഴുത്ത പ്രതിഭയുടെ ഒരു വന്‍മരം. എന്നിട്ടും അന്നപൂര്‍ണദേവി പുറംലോകത്തിന് അന്യ.

വരവായി, നാടകവണ്ടികള്‍

അവയിലൊരു സംഘം ഇന്ന് വയനാട് ജില്ലയിലെ മാനന്തവാടിയില്‍നിന്ന് നാടക യാത്രക്ക് തുടക്കം കുറിക്കുന്നു- തിരുവനന്തപുരം കേന്ദ്രമായി പ്രവര്‍ത്തിക്കുന്ന അഭിനയ നാടകകേന്ദ്രത്തിന്‍െറ ‘സമ്മര്‍ തിയറ്റര്‍ ഫെസ്റ്റിവല്‍’. മറ്റൊരു നാടക യാത്ര കടലോര ഗ്രാമങ്ങളിലേക്കാണ്. തീരദേശത്തെ പെണ്‍ജീവിതത്തിന്‍െറ തീച്ചൂട് അരങ്ങിലത്തെിച്ച ‘മല്‍സ്യഗന്ധി’ എന്ന നാടകം യാത്ര പുറപ്പെട്ടു കഴിഞ്ഞു.

കല കൊണ്ടു മാത്രം മുളയ്ക്കുന്ന വിത്തുകള്‍

കലാ ചരിത്രത്തിന്റെ ഏതോ ഇടത്തുവെച്ച് നിശ്ശബ്ദമായ ചെന്നൈയിലേക്ക് സമകാലീന കലയുടെ കാറ്റും വെളിച്ചവും എത്തിക്കുന്ന ആര്‍ട്ട് ചെന്നൈ 2012 എന്ന സംരംഭത്തെക്കുറിച്ചും അതിന്റെ പ്രാധാന്യത്തെക്കുറിച്ചും രേണുരാമനാഥ് എഴുതുന്നു. ഒപ്പം, കുട്ടികളുടെ പ്രിയപ്പെട്ട ‘ഡുംഡും മാമന്‍’ മനുജോസിന്റെ മുന്‍കൈയില്‍ നടക്കുന്ന ‘മരുതം’ അവധിക്കാല കൂട്ടുചേരലിനെക്കുറിച്ചും പറയുന്നു

മരണത്തിനും ജീവിതത്തിനുമിടയില്‍ ഒരു രാത്രി

അകാലത്തില്‍ വേര്‍പിരിഞ്ഞ സി. ശരത് ചന്ദ്രന് നാലാമിടത്തിന്റെ ആദരം. ശരത്തിന്റെ മരണശേഷം സുഹൃത്തും മാധ്യമപ്രവര്‍ത്തകയുമായ രേണു രാമനാഥ് എഴുതിയ കുറിപ്പ് പുന: പ്രസിദ്ധീകരിക്കുന്നു.

ശരത്തിനൊപ്പം, ഓര്‍മ്മകള്‍ക്കൊപ്പം

സി. ശരത്ചന്ദ്രനെക്കുറിച്ച് റാസി സംവിധാനം ചെയ്ത ‘ പോരാട്ടങ്ങളുടെ മൂന്നാം കണ്ണ്’ എന്ന ചിത്രത്തെക്കുറിച്ച് രേണു രാമനാഥ് എഴുതുന്നു

ഉട്ടോപ്യ തൊട്ടടുത്താണ്

പൊളിറ്റിക്കല്‍ സ്റ്റീരിയോടൈപ്പുകളെക്കുറിച്ചുള്ള ഒരു സിനിമയാണ് മറുപാതൈ. സംവിധായകനായ കെ.പി ശ്രീകൃഷ്ണന്‍ ഈ ചിത്രത്തെക്കുറിച്ച് പറയാനിഷ്ടപ്പെടുന്നതും അതാണ്.

പറിച്ചെടുക്കാനാവില്ല വിറ്റ്നി, മുറിവാഴങ്ങള്‍ തൊടുമീ ഓര്‍മ്മകള്‍

മോഡലിങ് കാലത്ത് വര്‍ണവിവേചനത്തിനെതിരേ ശബ്ദമുയര്‍ത്തിയ വിറ്റ്നിക്ക് നമ്മുടെ ഓര്‍മ്മകളില്‍നിന്ന് ഓടിപ്പോവാനാവില്ല. മനസ്സിന്റെ മുറിപ്പാടുകളില്‍നിന്ന് ആ ഗാനങ്ങളെ ആര്‍ക്കും അപഹരിക്കാനും കഴിയില്ല. അവര്‍ നേടിയ ഗ്രാമികള്‍ക്കും, എമ്മി അവാര്‍ഡുകള്‍ക്കും, ബില്‍ ബോര്‍ഡ് മ്യൂസിക് അവാര്‍ഡുകള്‍ക്കുമൊക്കെ അതീതമായി കണ്ണുപൂട്ടാതിരിക്കുന്നു, ആ ഗാനങ്ങള്‍. അതിന്റെ മാന്ത്രിക സ്പര്‍ശം.

പണ്ഡിറ്റ് ശിവ്കുമാര്‍ ശര്‍മ്മ: ഓര്‍മ്മയിലൊരു നിലാവ്

പണ്ഡിറ്റ് ശിവ്കുമാര്‍ ശര്‍മ്മയെ കേട്ട നാളിന്റെ ഓര്‍മ്മ. ഒരു മണിക്കൂറോളം അദ്ദേഹവുമായി നടത്തിയ അഭിമുഖത്തിന്റെ തുളുമ്പുന്ന സ്മൃതികള്‍. ചെന്നൈയിലെ പാട്ടുറവകളില്‍നിന്ന് ആ ഓര്‍മ്മ കണ്ടെടുക്കുന്നു, മാധ്യമപ്രവര്‍ത്തകനായ പി.ബി അനൂപ്

വാട്ടര്‍ സ്റ്റേഷന്‍, മെയ്ധ്വനി, സര്‍ക്കസ്: സാംസ്കാരിക പ്രവര്‍ത്തനങ്ങളുടെ ദേശം

വാട്ടര്‍ സ്റ്റേഷന്‍, സര്‍ക്കസ് തിയറ്റര്‍ പ്രൊജക്റ്റ്, മെയ്ധ്വനി, കടമ്പഴിപ്പുറം ടാഗോര്‍ ഫെസ്റ്റിവല്‍, പാവക്കഥകളി, ഡര്‍ബാര്‍ഹാള്‍ നവീകരണം എന്നിവയെക്കുറിച്ചുള്ള റിപ്പോര്‍ട്ടുകള്‍

നാടക ഘടികാരത്തില്‍ നല്ല നേരങ്ങള്‍

കേരളത്തിന്റെ വിവിധ ഭാഗങ്ങളില്‍ നടന്ന സാംസ്കാരിക ചലനങ്ങളുടെ രേഖപ്പെടുത്തല്‍.

‘ഹുസൈന്‍ സാബ് പറഞ്ഞു, നിങ്ങളെപ്പോലുള്ള ഉന്‍മാദിയെയാണ് എനിക്കാവശ്യം’

വര്‍ഷങ്ങള്‍ക്കുമുമ്പ് സുഭാഷ് കെ. ഝാ ഭുപന്‍ ഹസാരികയുമായി നടത്തിയ സംഭാഷണത്തിന്റെ പ്രസക്ത ഭാഗങ്ങള്‍.

അരങ്ങില്‍ ചുവന്ന അരളിപ്പൂക്കള്‍

മഹാകവി രവീന്ദ്രനാഥ ടാഗോറിന്റെ പ്രധാന നാടകകൃതികളിലൊന്നായ ‘രക്ത കരബി’യുടെ കേരളത്തിലെ ആദ്യ അവതരണം ഈയിടെ തൃശൂരില്‍ നടന്നു. കെ.വി ഗണേഷ് സംവിധാനം ചെയ്ത നാടകത്തെക്കുറിച്ച് രേണു രാമനാഥ് എഴുതുന്നു

പാട്ടു കൊണ്ടൊരു പൂക്കളം

ഓണം വിത്ത് ഈണം എന്നു പേരിട്ട രണ്ട് ആല്‍ബങ്ങള്‍ക്കു ശേഷം അവര്‍ ഈ ഓണത്തിന് പുതിയ സംഗീത വിരുന്നൊരുക്കുകയാണ്. മലയാളത്തിന്റെ വരികള്‍ക്ക് പാട്ടിന്റെ പുതപ്പണിയിക്കുന്ന മികച്ച അനുഭവം.

പ്ലാറ്റ്ഫോം-രേണു രാമനാഥ്

ഉപകഥകള്‍ക്ക് മാത്രം വിഷയമാവുന്ന ഒന്നാണ് പൊതുവെ സാംസ്കാരിക വാര്‍ത്തകള്‍. അന്തര്‍ദേശീയ ചലച്ചിത്രാല്‍സവവും അന്തര്‍ദേശീയ നാടകോല്‍സവവും മുതല്‍ പ്രാദേശിക കലാസമിതികള്‍ നടത്തുന്ന ഓണാഘോഷ പരിപാടികള്‍ വരെ ഇക്കൂട്ടത്തില്‍ പെടുന്നു. ദോഷം പറയരുതല്ലോ ചലച്ചിത്രോല്‍സത്തിനാണ് കൂട്ടത്തില്‍ സ്റ്റാറ്റസ് കൂടുതല്‍. കൂട്ടത്തില്‍ സ്റ്റാര്‍ വാല്യൂ കൂടും. സിനിമയാണല്ലോ.
സാഹിത്യത്തിനും ഇത്തിരി സ്ഥലമുണ്ട്. എം.ടി വാസുദേവന്‍ നായരോ അടൂര്‍ ഗോപാല കൃഷ്ണനോ ഉദ്ഘാടകരായി എത്തിയാല്‍ ഏതു പത്രത്തിലും ചാനലിലും വാര്‍ത്ത വരുമെന്ന് സംഘാടകരായ ഏതു കുഞ്ഞുങ്ങള്‍ക്കുമറിയാം. പക്ഷേ, നാടകത്തിന്റെയോ ചിത്രകലയുടെയോ കാര്യം വന്നാല്‍ പോയി.