സച്ചിൻ സ്റ്റാറ്റിസ്റ്റിക്സ് അല്ല. ദൈവവും അല്ല.

റഹ്മാനും റോജയും സംഭവിച്ച്, ലോകം മുഴുവന്‍ പാടിത്തുടങ്ങുന്ന കാലത്താണ് കൊയ്ത്തൊഴിഞ്ഞതും വിത ഉപേക്ഷിച്ചതും ആയ പാടങ്ങളിലും നടന്നു നടന്നു പിച്ച് പോലെ ഉറച്ച ഉള്‍വഴികളിലുമൊക്കെ എണ്ണിയാല്‍ അത്ര പെട്ടെന്നൊന്നും ഒടുങ്ങാത്ത സച്ചിന്മാര്‍ കളിച്ചു തുടങ്ങുന്നത്. പാമ്പിന്‍പടങ്ങളും മുള്‍മുനകളും ഉള്ള അതിര്‍ത്തികളില്‍ പോയി പന്ത് തിരയുന്നത്. ബ്രൂക് ബോണ്ട് ഗ്രീന്‍ ലേബല്‍ കുടിക്കുന്നതിനിടെ താഴെ വീണ ചില്ലുകള്‍ കൊണ്ട് കാല്‍ മുറിയുന്നത്. അതിനു മുന്‍പും സച്ചിന്‍ ക്രിക്കറ്റ് കളിച്ചിരുന്നു. പക്ഷേ, അത് സച്ചിന്‍ സച്ചിന്‍ ആകുന്നതിന് മുന്‍പുള്ള കാലം ആണ്. ക്രിക്കറ്റിന്റെ കാലം അങ്ങനെ രണ്ടായി വിഭജിക്കപ്പെടുന്നുണ്ട്.

ഭാഷകൊണ്ട് പക്ഷം പിടിക്കുന്ന പിണറായി വിജയന്‍

സഖാവ് വിജയന്റെ ഭാഷാപരമായ പക്ഷംചേരലിന്റെ അടിസ്ഥാനം പാര്‍ട്ടി സെക്രട്ടറി എന്ന അദ്ദേഹത്തിന്റെ ഉത്തരവാദിത്തം തന്നെയാണ്. ആ സ്ഥാനത്തു നിന്നു പ്രവര്‍ത്തിക്കുമ്പോള്‍ താന്‍ പ്രതിനിധാനം ചെയ്യുന്ന പാര്‍ട്ടിയുടെ ആന്തരികവും ബാഹ്യവുമായ പബ്ലിക് റിലേഷന്‍സ് പാര്‍ട്ടിയുടെ താല്പര്യങ്ങള്‍ക്ക് അനുസരിച്ച് പ്രാവര്‍ത്തികമാക്കുന്ന രീതിയാണ് അദ്ദേഹം അവലംബിക്കുന്നത്.

സ്പെയ്ന്‍ ഫുട്ബോള്‍ കളിക്കുന്നത് കാണുമ്പോള്‍

ഗോളുകള്‍ മാത്രം ഹൈലൈറ്റ്സ് കണ്ടു കഥ അറിയുന്നവരുടെ ഫുട്ബോള്‍ അനുഭവം അല്ല സ്പെയ്ന്‍ അനുഭവം. അത് കാലില്‍ നിന്നും കാലിലേക്ക് പൊയ്ക്കൊണ്ടെയിരിക്കുന്ന പന്തിന്റെ സഞ്ചാരസൗന്ദര്യം ആണ്‌. ആ കാഴ്ച്ചയുടെ സൌഖ്യത്തിനു വിഘാതങ്ങള്‍ ഉണ്ടാവാത്തിടത്തോളം നേരം സ്പെയ്ന്‍ ഒരു meditative indulgence ആണ്‌. ആ ശൈലിക്ക് ഉണ്ടാകുന്ന തടസ്സങ്ങള്‍ പലപ്പോഴും ഫുട്ബോളിലെ സാധാരണ കാര്യങ്ങള്‍ മാത്രമാണ്. അത് ഒരു ഹെഡ്ഡര്‍ ആവാം. ഒരു ഫൗള്‍ ആവാം. വരയ്ക്കു പുറത്തേക്ക് പോവുകയോ വായുവിലൂടെ സഞ്ചരിക്കുകയോ ചെയ്യേണ്ടിവരുന്ന പന്താവാം. മറ്റൊരു കാലിലേക്ക് ഉള്ള യാത്ര പൂര്‍ണമാക്കാന്‍ പറ്റാതെ പോകുന്ന അലക്ഷ്യങ്ങളും ആവാം. പക്ഷെ, അതെല്ലാം സ്പെയ്ന്റെ ശൈലിയുടെ വിഘാതങ്ങള്‍ ആണ്‌. അവര്‍ പന്ത് കാലില്‍ നിന്ന് കാലിലേക്ക് അതിവേഗം പാസ്‌ ചെയ്യുകയും എതിര്‍ ടീമിന്റെ വാതില്‍പ്പടിയിലെ ശ്വാസത്തിന് തൊട്ടു താഴെ നിന്നുകൊണ്ട് ഫുട്ബോള്‍ കളിക്കുകയും ചെയ്യുന്നു. അതിവേഗം സ്പെയ്സുകള്‍ക്ക് വേണ്ടി അന്വേഷിക്കുന്നു. ആക്രമിച്ചുകൊണ്ടെയിരിക്കുന്നു. എത്ര സങ്കീര്‍ണമാണെങ്കിലും ഏറ്റവും ലളിതം എന്ന് തോന്നിപ്പിക്കുന്നു- കാല്‍പ്പന്തു കളിയിലെ സ്പാനിഷ് വസന്തത്തെക്കുറിച്ച് സുരേഷ് എ.ആര്‍ എഴുതുന്നു

ആ…,ഓ…, എന്ത്യേ…ഇന്നസന്റ്

ഏതു കഥാപാത്രം ആയാലും ഇന്നസെന്റ് ഇന്നസെന്റ് തന്നെ ആയിരിക്കുന്നു. ഏതു നാട്ടിലെ കഥാപാത്രം ആണെങ്കിലും ഇന്നസെന്റ് ഒരേ ഭാഷയില്‍ (‘ബാഷ’യില്‍ ), ഒരേ താളത്തില്‍ സംസാരിക്കുന്നു. യൂറോപ്യന്‍സ് പോലും ഭാഷ പഠിച്ച കൊച്ചിയില്‍ ഒരു ഡബിള്‍ മുണ്ട് ഉടുക്കാന്‍ കഷ്ടപ്പെടുന്ന ഇന്നസെന്റ്, നാടക ട്രൂപ്പിന്റെ ഉടമസ്ഥന്‍ ആയാലും പുരോഹിതന്‍ ആയാലും തെരുവുജീവിതം ആയാലും സ്വന്തം ഭാഷ തന്നെ ഉപയോഗിക്കുന്നു. ചിരിക്കാതിരിക്കാന്‍ കഴിയുമെങ്കില്‍ കാണട്ടെ എന്ന് വെല്ലുവിളിക്കാതെ വെല്ലുവിളിക്കുന്നു. ആ മാറ്റമില്ലാത്ത ഭാഷയുടെ റിഥം ദുരിതകാലങ്ങളിലേക്ക് ശേഖരിച്ചുവെക്കാന്‍ പാകമായ, വൃത്തിയുള്ള ഹര്‍ഷോന്മാദം ആണ്-പ്രമുഖ നടന്‍ ഇന്നസന്റിന്റെ തിരജീവിതത്തെക്കുറിച്ച നിരീക്ഷണങ്ങള്‍. എ.ആര്‍ സുരേഷ് എഴുതുന്നു

കലാപങ്ങളുടെ ഫാഷന്‍

ഈ വര്‍ഷം ഓഗസ്റ്റില്‍ ലണ്ടനില്‍ നടന്ന ആ കലാപത്തില്‍, പക്ഷെ, ഏറ്റവും വ്യക്തമായ ചിഹ്നം ഹൂഡി ആയിരുന്നു. സ്പോര്‍ട്സ് താരങ്ങളുടെ ശക്തിയും വിജയവും ആവാഹിക്കാന്‍ ശ്രമിച്ച എണ്പതുകളിലെ ഹിപ്-ഹോപ്‌ ഗായകര്‍ അവരുടെ സംസ്കാരത്തിന്റെ ഫാഷന്‍ കോഡ് ആക്കി ഹൂഡ് ഉള്ള ഈ സ്വെറ്റ്ഷര്‍ട്ട്‌. പിന്നീട് ഹിപ്-ഹോപ്പുമായി സാംസ്കാരിക ചിഹ്നങ്ങള്‍ പങ്കുവച്ച ഗാംഗ് കള്‍ച്ചറിന്റെ ഫാഷന്‍ കൂടിയായി ഹൂഡി.
കൂടാതെ, പാര്‍ശ്വവത്കരിക്കപ്പെട്ട സബ്അര്‍ബന്‍ കൌമാര-യൌവനങ്ങള്‍ അവരുടെ പകയും മുഖ്യധാരയില്‍ നിന്ന് പുറത്താക്കപ്പെട്ടതിന്റെ രോഷവും ഹൂഡിക്കുള്ളില്‍ ഒതുക്കി. ചിലപ്പോള്‍ സ്വയം തീര്‍ത്ത ഒരു ദ്വീപായും മറ്റുചിലപ്പോള്‍ പൊതുസമൂഹത്തില്‍ അലിഞ്ഞുചേരാനുള്ള ഒരു സുരക്ഷാസഹായി ആയും ഇത് ഉപയോഗിക്കപ്പെട്ടു. 2005 മെയ്മാസം കെന്റിലെ ബ്ലൂവാട്ടര്‍ ഷോപ്പിംഗ്‌ സെന്റര്‍ ഹൂഡി നിരോധിച്ചതും ഇംഗ്ലണ്ടിലെയും വെയ്ല്‍സിലെയും പല സ്കൂളുകളിലും ഹൂഡി ധരിക്കുന്നത് ശിക്ഷാര്‍ഹം ആക്കിയതും ഹൂഡിയെ മുഖ്യധാരാസമൂഹം എങ്ങനെ കാണുന്നു എന്നതിന്റെ ഉദാഹരണങ്ങള്‍ ആയിരുന്നു.

രോമഹര്‍ഷങ്ങളും സ്റ്റാറ്റിസ്റ്റിക്സും തമ്മിലുള്ള വ്യത്യാസം. അഥവാ, രാഹുല്‍ ദ്രാവിഡ്‌.

ഏകദിന ക്രിക്കറ്റിലെ സ്വന്തം ചരിത്രമുഹൂര്‍ത്തങ്ങളില്‍ രാഹുല്‍ മറ്റു വലിയ ഹര്‍ഷോന്മാദങ്ങളുടെ നിഴലില്‍ ആയിപ്പോയി. തന്റെ ആദ്യ സെഞ്ച്വറിയും ഏറ്റവും ഉയര്‍ന്ന സ്കോറും ഏറ്റവും ഉയര്‍ന്ന രണ്ടാമത്തെ സ്കോറും സംഭവിച്ച മത്സരങ്ങള്‍ രേഖപ്പെടുത്തപ്പെട്ടത്‌ രാഹുലിന്റെ പേരില്‍ ആയിരുന്നില്ല. മറ്റു വീരന്മാരുടെ പേരില്‍ ആയിരുന്നു.

ഫാബ്രിഗാസിന്റെ വീട്. ഒരു പാരഗ്രാഫില്‍ റ്റെവസിന്റെ ഉടലും

ആധുനിക ഫുട്ബോള്‍ ചരിത്രത്തിലെ തന്നെ ഏറ്റവും ദീര്‍ഘമായ ഒരു ട്രാന്‍സ്ഫര്‍ അദ്ധ്യായം ആയിരിക്കും ഫാബ്രിഗാസിന്റെത്. അഥവാ, ഏറ്റവും ദീര്‍ഘമായ ട്രാന്‍സ്ഫര്‍ ഫോക് ലോര്‍. അതില്‍ സ്വപ്നവും ഗൃഹാതുരത്വവും കാത്തിരിപ്പും പ്രവിശ്യാബോധവും ശൈലിയും കൌതുകവും ആരോപണങ്ങളും പ്രത്യാരോപണങ്ങളും ആരാധനയും ക്ഷമാപണവും രാഷ്ട്രീയവും സമ്പദ്ശാസ്ത്രവും ഉണ്ട്.

ശവപ്പെട്ടിക്കുള്ളിലെ സിനിമ, ബ്ലാക്ക്‌ബെറി, സിപ്പോ.

ശവപ്പെട്ടിക്കുള്ളില്‍ ജീവിച്ചിരിക്കുന്നതിനെക്കുറിച്ച് ഉപമകള്‍ ഉണ്ടാവുക അസാധ്യം. അതും ഇറാഖിലെ 170,000 ചതുരശ്ര മൈല്‍ മരുഭൂമിയില്‍ എവിടെയോ ഒരിടത്ത്. കൂടെ, 90 മിനിറ്റ് നേരത്തേക്ക് മാത്രമുള്ള ഓക്സിജനും ബ്ലാക്ക്‌ബെറി ഫോണും ഒരു സിപ്പോ ലൈറ്ററും.