അവനവനിടത്തില്‍ ഒരു ഒളിക്യാമറ താങ്കളും സ്ഥാപിക്കണമായിരുന്നു, മിസ്റര്‍ തേജ്പാല്‍

തേജ്പാല്‍, തെഹല്‍ക്ക, ഒളിക്യാമറ…ഷാജഹാന്‍ കാളിയത്ത് എഴുതുന്നു: സാഹിറാ ഷെയ്ക്ക് പണം വാങ്ങുന്നതും ബംഗാരു ലക്ഷമണ്‍ പണം വാങ്ങുന്നതും മണിപ്പൂരിലെ പട്ടാളക്കാര്‍ ഇറോം ഷര്‍മ്മിളയുടെ കുലത്തെ മാനഭംഗപ്പെടുത്തുന്നതും കുറ്റകത്യമാണെന്ന് വിളിച്ചു പറഞ്ഞത് തരുണ്‍ തേജ്പാലാണ്. അദ്ദേഹം നില്‍ക്കുന്ന ഇടത്തില്‍ ചെളി പുരണ്ടിട്ടില്ല എന്നതായിരുന്നു രാജ്യത്തെ മധ്യവര്‍ഗ്ഗസമൂഹത്തെ അത് വിശ്വസിക്കാന്‍ പ്രേരിപ്പിച്ചത്. ബലാല്‍സംഗം തെരുവില്‍ നടക്കുമ്പോള്‍ അതിനു തുറുങ്കും ലിഫ്റ്റില്‍ നടന്നാല്‍ ക്ഷമാപണം എന്നൊരു നീതിയുമുണ്ടോ?

ഓസ്കാര്‍ പിസ്റേറാറിയസിനെ ആര്‍ക്കാണ് പേടി ?…

ഇനി അവര്‍ നിന്റെ പ്രോസ്തെറ്റിക് കാലുകള്‍ പരിശോധിക്കട്ടെ. ആത്മവിശ്വാസത്തിന്റെ ഡി. എന്‍. എ പിണച്ച് നീ നിവര്‍ന്ന് നിന്ന് കുതിച്ചതിന്റെതല്ലാതെ മറ്റൊരു അടയാളവും ആ കാലില്‍ കണ്ടെത്താനാകാതെ ഒടുക്കം അവര്‍ നിന്റെ കണ്ണുകളില്‍ നോക്കട്ടെ. മനസ്സുറപ്പിന്റെതല്ലാത്ത ഒരു കാന്തികവലയവും സര്‍ക്യൂട്ടും പിണയാത്ത നിന്റെ നോട്ടം അവര്‍ക്ക് പാഠമാകട്ടെ- കൃത്രിമകാലുകളുമായി കുതിച്ചെത്തി ഒളിമ്പിക്സിലെ നാനൂറ് മീറ്റര്‍ പോരാട്ടത്തില്‍ ചരിത്രം കുറിച്ച ‘ബ്ലേഡ് റണ്ണര്‍’ ഓസ്കര്‍ പിസ്റ്റോറിയസിന്റെ ഉജ്വല നേട്ടത്തെക്കുറിച്ച് ഷാജഹാന്‍ എഴുതുന്നു

മെഹ്ദി: പ്രണയ-വിരഹങ്ങള്‍ക്ക് ഒരു പുഴ

>ഫൈസ് അഹമ്മദ് ഫൈസിന്റെ പ്രണയവും പ്രതിഷേധവും മിര്‍സാ ഗാലിബിന്‍റെ വിരഹവും മിര്‍ തഖി മീറിന്റെ ഉന്മാദവും…പല ഭാവങ്ങളുണ്ടായിരുന്നു മെഹ്ദിയുടെ പാട്ടിന്. വാക്കുകളെ ആവര്‍ത്തിച്ചും മഥിച്ചും പ്രലോഭിപ്പിച്ചും ചവച്ചും മെഹ്ദി പാടി. മനപ്പൂര്‍വ്വമായ ചില മൌനങ്ങള്‍ ആ ഒഴുക്കിനിടെ ദ്വീപുകളെ പോലെ നില കൊണ്ടു.അപ്പോഴതില്‍ നമുക്ക് അപഥ സഞ്ചാരം നടത്താം. സ്വപ്നം കാണാം..കാല്പനികതയുടെ പല കടലുകള്‍ കാണാം.
അപ്പോഴേക്കും മെഹ്ദി തിരിച്ചു വരും. ഉച്ചസ്ഥായിയുടെ ഒരു തിരമാലയിലേക്ക് നമ്മെ വലിച്ചെറിയും. കസൃതിയോടെ ചിരിക്കും. പൊടുന്നനെ ആകാശത്തെയും ഭൂമിയെയും തകിടം മറിച്ച് ഗര്‍ത്തങ്ങളിലേക്ക് തള്ളിയിടും.എന്നിട്ടൊരു പൂവെറിഞ്ഞു തരും. പാരച്യുട്ട് പോലെ ഗഗനസഞ്ചാരിയാക്കാന്‍- -പ്രണയ വിരഹങ്ങളുടെ ഭാവസാന്ദ്രമായ പാട്ടുനേരങ്ങള്‍ക്കൊടുവില്‍ വിടപറഞ്ഞ, ഗസല്‍ ചക്രവര്‍ത്തി മെഹ്ദി ഹസനെക്കുറിച്ച് ഷാജഹാന്‍ എഴുതുന്നു

ഇറ്റാലിയന്‍ വെടിയുണ്ടകളും നമ്മുടെ നിവരാത്ത വാലും

ആഴക്കടലില്‍ ഇറ്റാലിയന്‍ നാവികര്‍ രണ്ട് മലയാളി മല്‍സ്യത്തൊഴിലാളികളെ വെടിവെച്ചുകൊന്ന സംഭവത്തിന്റെ പശ്ചാത്തലത്തില്‍ ഷാജഹാന്‍ എഴുതുന്നു> ആണ്ടില്‍ പല തവണ നമ്മുടെ നാട്ടില്‍ പിടിക്കപ്പെടുന്ന പാക്കിസ്ഥാനിയോടും ശ്രിലങ്കക്കാരനോടും മ്യാന്‍മറുകാരനോടും കെനിയക്കാരനോടും ഇതേ വിധേയത്വമുണ്ടോ നമുക്ക്?

എന്‍.എസ് മാധവന്റെ ആരാധകന്‍ എന്ന നിലയില്‍ എന്റെ ജീവിതം

21 വര്‍ഷം പിന്തുടര്‍ന്ന ശേഷം എന്‍. എസ് മാധവനെ കണ്ടു മുട്ടിയ എനിക്ക് മുമ്പില്‍ മാധവന്‍ അഭിമുഖത്തിന്റെ വാതില്‍ തുറന്നു.ഹിഗ്വിറ്റയിലെ ജബ്ബാറിനെ മുസ്ലിമാക്കിയതിലെ ദുരൂഹത ചൂണ്ടിക്കാട്ടിയപ്പോള്‍ ‘മുംബൈ’യും ‘നിലവിളി’യും എഴുതിയ അതേ സ്ഥൈര്യത്തോടെ ജബ്ബാറിനെ ബ്രാഹ്മണനാക്കാന്‍ ഭൂമിശാസ്ത്രപരമായ സാഹചര്യമില്ലായിരുന്നു എന്ന് തീര്‍ത്തു പറഞ്ഞു. തന്റെ ബഷീര്‍ വിമര്‍ശനത്തില്‍ ഉറച്ചുനിന്ന് താന്‍ ബഷീര്‍ സാഹിത്യത്തോട് ചെയത് വലിയ സേവനമാണതെന്ന് ഊന്നി. വായനക്കാരായ ആരാധകരെ കാണണമെങ്കില്‍ ബീഹാറില്‍ ചെല്ലണമെന്ന് പറഞ്ഞപ്പോള്‍ ഞാന്‍ ചെറുതായി. എത്തരം സിനിമകള്‍ കാണുന്നു എന്ന ചോദ്യത്തിന് ‘ദില്ലി ബെല്ലി’ പോലുള്ള ഹിന്ദി സിനിമകള്‍ എന്ന് പറഞ്ഞ് എന്നെ അമ്പരപ്പിച്ചു. ബുദ്ധിജീവി എന്ന സാമാന്യ യുക്തിയുമായി എന്‍. എസ് മാധവനെ ബന്ധിപ്പിക്കാനായില്ല. ഒറ്റ ഇരിപ്പില്‍ 21 വര്‍ഷം ഞാനീ മനുഷ്യന്റെ കഥപറച്ചിലിനെ പിന്തുടര്‍ന്നത് എന്തിനായിരുന്നു എന്ന ചോദ്യത്തിന് മറുപടി കിട്ടി-ഇന്ന് സംപ്രേഷണം ചെയ്യുന്ന എന്‍.എസ് മാധവന്റെ അഭിമുഖ പശ്ചാത്തലത്തില്‍ ഷാജഹാന്റെ കുറിപ്പ്. ചിത്രങ്ങള്‍: എം.എ ഷാനവാസ്

വിനോദ് മേത്ത: (ലക് നൌ) പയ്യന്‍ കഥകള്‍

ആത്മകഥയുടെ പശ്ചാത്തലത്തില്‍ പ്രമുഖ പത്രപ്രവര്‍ത്തകനും ഔട്ട്ലുക്ക് എഡിറ്ററുമായ വിനോദ് മേത്തയുടെ ജീവിതത്തിലൂടെ ഒരു യാത്ര. മുംബൈയില്‍ മാധ്യമപ്രവര്‍ത്തകനായ മാത്തന്‍ പുല്‍പ്പള്ളി എഴുതുന്നു

കണ്ണില്‍ വീണ്ടും കോര്‍ട്നി വാല്‍ഷ്

ബൌള്‍ ചെയ്യുമ്പോള്‍ വാല്‍ഷിന് ആര്‍ത്തിരമ്പുന്ന ആള്‍ക്കൂട്ടത്തെക്കുറിച്ചുള്ള ആകുലതകളുണ്ടായിരുന്നില്ല. ശരീരഭാഷയില്‍ കര്‍ട് ലി അംബ്രോസിന്റെ ശൌര്യമുണ്ടായിരിന്നില്ല.വിക്കറ്റ് നേട്ടത്തിന് ശേഷം അരക്കെട്ട് ത്രസിപ്പിച്ചുള്ള കരീബിയന്‍ ചലനങ്ങളൊന്നും പരിചിതമായിരുന്നില്ല.
ബാറ്റ് ചെയ്യാനെത്തുമ്പോള്‍ ഓരോ ബോളിനെയും പേടിച്ച വാല്‍ഷ് ഇത് തന്റെ കളിയല്ല എന്ന മട്ടില്‍ ഉദാസീനമായി നിന്നു. റണ്ണര്‍എന്‍ഡ് വാല്‍ഷിനെ എപ്പോഴും പ്രലോഭിപ്പിച്ചു.ബാറ്റ്സ്മാന്‍ സിംഗിള് റണ്ണുകള്‍ക്ക് ശ്രമിക്കുമ്പോള്‍ നാണിച്ച് വിലക്കി. മണിക്കൂറുകളോളം ക്രീസില്‍ നിന്ന ശേഷം റണ്ണൊന്നുമെടുക്കാതെ മടങ്ങുന്ന വാല്‍ഷ് അക്കാലത്തെ ഒരു കാഴ്ചയായിരുന്നു-വീരേന്ദ്ര സെവാഗ് നിറഞ്ഞ ഇന്നലത്തെ ക്രിക്കറ്റ് ഓര്‍മ്മയില്‍ അവിചാരിതമായി കയറിവന്ന കോര്‍ട്നിവാല്‍ഷിനെകുറിച്ച് ഷാജഹാന്‍ എഴുതുന്നു

ഭൂഖണ്ഡങ്ങള്‍ക്കു കുറുകെ ഭുപന്‍ഹസാരികക്കൊപ്പം

ജാജ്ബോര്‍-അലയുന്നവന്‍ എന്നായിരുന്നു ഹസാരിക സ്വയം വിശേഷിപ്പിച്ചിരുന്നത്. ഈ അലച്ചിലിന്റെ ഏകാന്തതയും ഉല്‍ക്കണ്ഠയും ആ സ്വരത്തിലുണ്ടായിരുന്നു. ബ്രഹ്മപുത്രയുടെ ഒഴുക്കും ബീഹു ഈണങ്ങളും പോള്‍ റോബ്സന്റെ ആവേശവുമൊക്കെ ഇടകലര്ന്ന ഓര്‍മ്മകളായിരുന്നു ഹസാരികയ്ക്ക് പാട്ട്.

ഈദി അമീനില്‍നിന്ന് ഗദ്ദാഫിയിലേക്കുള്ള ദൂരം

.ഈദി അമീനെപ്പോലുള്ളവര്‍ക്ക് പലായനത്തിന്‍റെയും അനന്തരസൗഭാഗ്യ സുഖലോലുപതയുടെയും ഒരു നീതി .സദ്ദാമിനും ഗദ്ദാഫിയ്ക്കും മറ്റൊരു നീതി. കാരണം ഈ രാജ്യങ്ങളിലെ പുതിയ ജനാധിപത്യനീക്കങ്ങളുടെ അഡ്രിനാലിന്‍ സ്രവം ഒരു മറയാണ് കൊലയ്ക്ക് എന്നത് തന്നെ.അഫ്ഗാനിലെ കമ്യൂണിസ്റ്റ് ഭരണാധിപതി നജീബുള്ളയുടെ മൃതദേഹം കാബൂളിലെ തെരുവിലെ ട്രാഫിക് വിളക്കിന്‍റെ കാലില്‍ തൂക്കിയിട്ട് താലിബാന് വെടിവെച്ച് രസിച്ചത് അമേരിക്ക സംഭാവന ചെയ്ത തോക്കു കൊണ്ടായിരുന്നു എന്ന് മറക്കണ്ട..

വിട ജഗ്ജിത്…അഴിഞ്ഞിട്ടില്ല, അന്നു കെട്ടിയ പാട്ടുചരടുകള്‍

ജഗ്ജിത് ഇനി പാടിയെന്ന് വരില്ല. പക്ഷെ എന്റെ കൗമാരത്തെ കരയിച്ചും നനയിച്ചും പല ഋതുക്കളിലുടെ ആകാശ സഞ്ചാരം ചെയ്യിച്ച ആ ഗസലുകളെ മറക്കാനാകില്ല. ഞാനാ പ്രതലത്തില്‍ നനഞ്ഞിരിപ്പാണ്.ഒരു പട്ടച്ചരടിനെയും പാരച്യൂട്ടിനെയും പ്രതീക്ഷിക്കാതെ…

സോഷ്യല്‍ നെറ്റ് വര്‍ക്കിലെ ക്വട്ടേഷന്‍ സംഘങ്ങള്‍

പൊതുപ്രശ്നങ്ങളെ കൈകാര്യം ചെയ്യാന്‍ ഒരു അവനവന്‍ യുക്തി ജനാധിപത്യബോധം വികസിപ്പിച്ചിട്ടുണ്ട് ഈ സോഷ്യല്‍ നെറ്റ് വര്‍ക്ക് പൗരന്‍. ചര്‍ച്ചകളിലിടപെടാനും ലോബിയിംഗ് നടത്താനും അവന്‍റെ ഒരു പടയുണ്ട്.വെട്ടുകിളിയെ പോലെ പറന്നിറങ്ങി ക്വട്ടേഷന് ജോലി പൂര്ത്തിയാക്കി പെട്ടെന്ന് മടങ്ങാനുള്ള അധോലോക ബുദ്ധി ഇടക്ക് പ്രകടിപ്പിക്കും-മാധ്യമ പ്രവര്‍ത്തകനായ ഷാജഹാന്റെ നിരീക്ഷണം

എരിവും പുളിവും പോരാ,പെപ്പറും വേണം

ഈ കാലഘട്ടത്തില്‍ മലയാളത്തില്‍ എന്താണ് സംഭവിച്ചത്.ടിവി ചന്ദ്രനും സുകുമാരന്‍ നായരുമടക്കമുള്ള സമാന്തരങ്ങള്‍ മുനതേഞ്ഞു കാലഹരണപ്പെട്ടു.ജോഷിയുടെയും ഷാജികൈലാസിന്‍റെയും ഹൈ വോള്‍ട്ടേജ് ഡ്രാമകള്‍ പുളിച്ച് തീകട്ടിയപ്പോള്‍ ഷാഫിയും സിദ്ദിഖും ,അതിനേക്കാള്‍ ക്രൂഡ് ആയ സങ്കേതങ്ങളിലേക്കാണ് തിരിഞ്ഞത്.നീരജ് പാണ്ഡെ ഹിന്ദിയില്‍ എ വെനസ്ഡേ എന്ന സിനിമ തയ്യാറാക്കുമ്പോള്‍ ഷാജി കൈലാസ് ബാബാ കല്യാണിയുടെ പണിപ്പുരയിലായിരുന്നു.തീവ്രവാദം മുംബൈയിലെ യും മീററ്റിലെയും സ്ഫോടനത്തില്‍ അംഗഭംഗം വന്ന കാല്‍നടയാത്രക്കാരെക്കാളും തന്നെ ബാധിച്ചു എന്ന മട്ടിലായിരുന്നു മലയാളിഗീര്‍വ്വാണം…