ബ്രിട്ടാസും ആമിര്‍ഖാനും : അഭിമുഖങ്ങളുടെ രാഷ്ട്രീയം

കാര്യം ഒന്നു കൂടി വ്യക്തമാവാന്‍ ഒരുദാഹരണം കൂടി പറയേണ്ടി വരും. കുറച്ചു കാലം മുമ്പുള്ളതാണ് ഈ ഉദാഹരണം. ജോണ്‍ബ്രിട്ടാസ് തന്നെയാണ് അഭിമുഖകാരന്‍. ഏഷ്യാനെറ്റല്ല, കൈരളി ചാനലാണ് തട്ടകം. മുന്നിലിരിക്കുന്നത് മറ്റാരുമല്ല, ആദ്യമായി ജനങ്ങള്‍ക്കുമുന്നില്‍ അവതരിച്ച സാക്ഷാല്‍ ഫാരിസ് അബൂബക്കര്‍. . കാണണമായിരുന്നു, അഭിമുഖകാരന്റെ അന്നേരത്തെ മര്യാദകള്‍. വിട്ടു വീഴ്ചകള്‍. ഉപചാരങ്ങള്‍. ചിരികളികള്‍. കൊഞ്ചിക്കുഴയലുകള്‍.

കണ്ണുതുറപ്പിക്കുമോ ആമിര്‍ഖാന്‍?

രാജ്യത്തെ ദൃശ്യമാധ്യമരംഗത്ത് സമാനതകളില്ലാത്ത ആരവങ്ങള്‍ സൃഷ്ടിച്ചാണ് പ്രശസ്തനടന്‍ ആമിര്‍ഖാന്‍ അവതരിപ്പിക്കുന്ന ടി.വി ഷോ ‘സത്യമേവജയതേ’ ഓരോ എപ്പിസോഡും പൂര്‍ത്തി യാക്കുന്നത്. സ്റാര്‍ ഗ്രൂപ്പിന്റെ എട്ടു ചാനലുകള്‍ക്ക് പുറമേ ദൂരദര്‍ശന്റെ ദേശീയ ചാനലും ഒട്ടേറെ പ്രാദേശിക ഭാഷാചാനലുകളും ഒരേ സമയം സംപ്രേഷണം ചെയ്യുന്ന പരിപാടി ഹിന്ദിക്ക് പുറമേ ഒട്ടേറെ പ്രാദേശിക ഭാഷകളിലും അവതരിപ്പിക്കുന്നു.