ഞാന്‍ ആരുടെയും പെങ്ങളല്ല

ഞാന്‍ ആരുടെയും പെങ്ങളല്ല. ആരുടെയും അമ്മയുമല്ല. ഒരു പെണ്ണും അങ്ങനെ അമ്മയും പെങ്ങളുമായി ഒരു പെട്ടിക്കുള്ളിലാവേണ്ടതാണെന്ന് എനിക്ക് തോന്നുന്നുമില്ല. ഞാന്‍ മാത്രമല്ല, ഒരു പെണ്ണും ആരുടെയും പെങ്ങളോ അമ്മയോ അല്ല എന്നും ഞാന്‍ വിശ്വസിക്കുന്നു. അവള്‍ പെണ്ണാണെന്നും പെണ്ണ് എന്നതാണ് അവളുടെ ഐഡന്റിറ്റി എന്നും. ഇത് രണ്ടും അല്ലാത്തതുകൊണ്ട് അതിന്റെയര്‍ഥം എന്റെ ശരീരം വയലേറ്റ് ചെയ്യാന്‍ എല്ലാവര്‍ക്കും അവകാശമുണ്ട് എന്നല്ല. അമ്മയോടും പെങ്ങളോടും നിങ്ങള്‍ ചെയ്യില്ല എന്ന് വിശ്വസിക്കുന്ന എല്ലാം എന്നോട് ചെയ്യാന്‍ അവകാശമുണ്ട് എന്നല്ല. ആര്‍ക്കും അതിനുള്ള അവകാശമില്ല എന്നുതന്നെയാണ്

on line ജീവിതത്തിന്റെ മറ്റത്

അഖില ഹെന്റി എഴുതുന്നു: എന്റെ എഴുത്തുകള്‍ ഇനിയും aggressive ആകാന്‍ തുടങ്ങി. എന്റെ പ്രതികരണങ്ങള്‍ ശക്തമായ ഭാഷയിലായി. ആരെയെന്നോ എന്തെന്നോ നോക്കാതെ എഴുതാന്‍, ആവശ്യമെന്നു തോന്നിയാല്‍ തെറി ഉപയോഗിക്കാന്‍ തുടങ്ങി. എന്റെ വസ്ത്രധാരണത്തില്‍ മാറ്റം വരുകയും ആ മാറ്റം ഞാന്‍ പ്രദര്‍ശിപ്പിക്കാനും തുടങ്ങി. ഇത് ആദ്യമൊക്കെ പെട്ടെന്നുണ്ടായ ആ മോചനത്തിനെ ആഘോഷിക്കുന്നതാണെന്നാണ് കരുതിയത്. പക്ഷെ പിന്നീട് മനസ്സിലായി ഞാന്‍ അങ്ങനെത്തന്നെയായിരുന്നെന്ന്. പണ്ടത്തെ പല എഴുത്തുകളിലും ഇതേ ആഘോഷം കണ്ടതുകൊണ്ടാണത്-നാലാമിടം പ്രസിദ്ധീകരിച്ച ‘പെണ്‍മയുടെ ഓണ്‍ലൈന്‍ വഴികള്‍’ കവര്‍സ്റ്റോറിക്ക് ഒരനുബന്ധം കൂടി.