കൂടംകുളത്ത് നടന്നത്: മാധ്യമങ്ങള്‍ പറയാത്ത സത്യങ്ങള്‍

കൂടംകുളം സമരം ഒരു പക്ഷെ അതിന്റെ അന്തിമഘട്ടത്തിലെത്തി നില്‍ക്കുകയാണ്. ഈ ഘട്ടത്തിലെങ്കിലും ജനങ്ങളുടെ ആവശ്യങ്ങള്‍ കേന്ദ്രസംസ്ഥാന സര്‍ക്കാറുകള്‍ പരിഗണിച്ചേ മതിയാകൂ. രാജ്യത്തെ മൊത്തമായി വിറ്റുതുലയ്ക്കാനല്ല, ജനങ്ങള്‍ക്കുവേണ്ടിയുള്ള ഭരണം നടത്തുന്നതിനാണ് ഇവരെയൊക്കെ തിരഞ്ഞെടുത്ത് അസംബ്ളിയിലേക്കും പാര്‍ലമെന്റിലേക്കും അയക്കുന്നതെന്നാണ് ഇപ്പോഴും സ്കൂള്‍ ക്ളാസുകളില്‍ പഠിപ്പിക്കുന്നത്. അതില്‍ എന്തെങ്കിലും യാഥാര്‍ത്ഥ്യമുണ്ടെങ്കില്‍ അത് പ്രകടമാക്കാനുള്ള അവസരമാണ് കൈവന്നിരിക്കുന്നത്.